ايه هو "انزل علّم"؟

مشروع بدأته أكاديمية التحرير عشان تمكّن المعلم و/او أي شخص يقدر يقوم بالدور ده انه يقدم للمتعلمين تجربة تعليمية محفزة للعقول. و ده من خلال توفير 3 حاجات:

  • محتوي تعليمي يعتمد علي الفهم و يتعامل مع احتياجات المتعلم و تفاعلة مع المحتوي كأولوية.
  •  دليل الكتروني لاستخدام المحتوي.
  • موقع تعليمي بيقدم تجربة تفاعلية عن طريق استخدام اساليب و عناصر الألعاب في التعليم (gamification).

 

ليه "انزل علّم"؟

مهمتنا في أكاديمية التحرير هي توفير تجربة تعليمية محفزة لعقول لطلبة الاعدادي و الثانوي لبناء جيل من المصريين يقدر يفكر و يقرر ويختار في حياته اليومية ومستقبله. و ده بدأ من خلال طرح حلول غير تقليدية تساعد على توفير العلوم و المعرفة عن طريق استخدام التكنولوجيا و الإنترنت وتقديم تجربة تعتمد علي الفهم بدلا من الحفظ.

 لكن عشان نقدر نوصل لأكبر قدر من الاستفادة  محتاجين قوة المجتمع اللي يقدر يوصل لأكبر قدر من المتعلمين - خاصة اللي مش بيوصلهم الانترنت – و ده من خلال مشروع انزل علم.

مين يقدر يشارك في "انزل علّم"؟

أي شخص يقدر يشارك في "انزل علم". المهم انه يكون يقدر يوصل أو بيتعامل مع المتعلمين في مرحلة الاعدادي و الثانوي في اي سياق و أي مكان بأي عدد. و يكون مؤمن بدور التعليم و أهمية تطويره عن طريق تقديم تجارب تعليمية مختلفة و أكثر فعالية للمتعلم.

ممكن الشخص يقدم ده للطلبة بتوعه في الفصل أو في مؤسسه مجتمعية, لأولاده أو لأخواته أو قرايبه في السن ده, لجيرانة في الشارع بتاعه... الخ.

 

لو عايز معلومات أكتر عن طريقة المشاركة وطرق التواصل معانا ادخل على مدونة انزل علم  من هنا