بندوّر على المُعلمين السوبر.. على كل مُعلم بيقدم مستقبل مختلف للتعليم كل يوم! 

أكاديمية التحرير بدأت مسابقة جديدة للمُعلمين. خلال شهر مارس بنشجع كل شخص مؤمن بدور المُعلم و أهميته في بناء جيل مُختلف انه يستفيد بدروس أكاديمية التحرير المجانية أونلاين و دليل المُعلمين في شرح الدروس المختلفة لطلبة الاعدادي و الثانوي أو حتى يساعدهم في اكتساب مهارات جديدة.

المسابقة هتكون على أكتر ناس بتستخدم دروس أكاديمية التحرير في إنها تيسر الفهم للطلاب و تساعدهم انهم يفهموا و يستعبوا دروسهم.

مدة المسابقة  في الفترة من 8 مارس إلى 2 أبريل.

 

- عايز تعرف تبدأ ازاي ؟ .. بسيطة 

  • سجل اسمك و مكانك و هتبدأ إمتى و صورة ليك:  من هنا 
  • استخدم دروس أكاديمية التحرير اللي موجودة على موقعنا www.tahriracademy.org في إنك تشرح درس لطلبة في مرحلة الإعدادي او الثانوي
  • حدد الدرس اللي انت هتستخدمه من تقسيم موقعنا الجديد على حسب السنين الدراسية أو المهارات العامة
  • دليل معُلمين أكاديمية التحرير هيساعدك خطوة بخطوة إزاي تشرح الدرس و تخليه تفاعلي: من هنا
  • احكيلنا و ابعتلنا صور عن الدرس و تجربتك مع الطلبة: من هنا 
  • اشترك في جروب المشروع على الفيسبوك ده عشان نساعدك بنصايح و تعرف أخبار المسابقة أول بأول.

 - شروط المسابقة بسيطة جداً .. مش مطلوب غير إنك تعمل الآتي :
•    تكون مدرس لمرحلة أعدادي او ثانوي او متطوع و عامل في جمعية لها نشاط تعليمي او حتى شخص مهتم يفيد قرايبه و جيرانه.
•    تشرح دروس أكاديمية التحرير لطلاب في مرحلة الاعدادي و الثانوي.
تقدر تستخدم دروس المنهج الدراسي او الدروس الخاص بالمهارات العامة بطريقة تفاعلية زي اللي في دليل المعلمين.

•​ شرح دروس أكاديمية التحرير ل علي الأقل 10 طلاب في الدرس الواحد.

 

- تكسب في  المسابقة ازاي؟


•    عشان توصل للمركز الاول: شرح على الاقل 15 درس من أكاديمية التحرير 
•    عشان توصل للمركز التاني: شرح على الاقل 10 دروس من أكاديمية التحرير
•    عشان توصل للمركز التالت: شرح على الاقل  5 دروس من  أكاديمية التحرير 

 

- الجوائز! 

  • المركز الأول : آيباد اير ipad air 2، بالاضافة لأشتراك لمدة سنة في TeacherKit App من منتجات شركة ITWorx Education اللي بتساعد المُعلم على تحضير دروسه و تنظيم فصله.
  • المركز التاني : هارد محمول + تدريب للمعلمين مدفوع التكاليف من شركة ITWorx Education
  • المركز التالت : تدريب للمعلمبن مدفوع التكاليف شركة ITWorx Education
  • جوائز رمزية لكل المشاركين بالمسابقة 
الجوايز مقدمة من شركة "آي تي ووركس التعليمية"و هي شركة رائدة في تطوير التعليم لمرحلة التعليم الأساسي والثانوي من خلال تطبيق التكنولوجيا.

 يلا سجل دلوقتي وابدأ مع طلابك تجربة جديدة هتحفزهم وتغير وجهة نظرهم عن التعليم و وجهة نظرك أنت كمان !