ايه هو "انزل علّم"؟
انزل علّم مشروع بدأ لمساعدة كل حد بيعلّم حد تاني سواء كان طالب أو زميل أو ابن أو قريب انه  يقدم لهم تجربة تعليمية محفزة للعقول عن طريق استخدام دروس الأكاديمية وتحويلها لدروس تفاعلية على الأرض بتدرسها في فصلك أو بيتك او الجمعية اللي بتشتغل فيه .

 و ده من خلال توفير 3 حاجات:

  • دروس أكاديمية التحرير اللي بتعتمد علي الفهم و يتعامل مع احتياجات المتعلم و تفاعله مع المحتوي كأولوية.
  •  دليل مُعلمين أكاديمية التحرير اللي بيسر لاستخدام المحتوي.
  • موقع أكاديمية التحرير اللي بيقدم تجربة تفاعلية عن طريق استخدام اساليب و عناصر الألعاب في التعليم (gamification).

دورنا بيكون أننا نساعدك إزاي تقدم الدرس بطريقة توصل الهدف المطلوب منها بشكل ممتع وعلمي.

 

مين يقدر يشارك في "انزل علّم"؟
أي شخص يقدر يشارك في "انزل علم". المهم انه يكون يقدر يوصل أو بيتعامل مع الطلاب في مرحلة الاعدادي و الثانوي في اي سياق و أي مكان بأي عدد. 
ممكن الشخص يقدم ده للطلبة بتوعه في الفصل أو في مؤسسه مجتمعية, لأولاد
ه أو لأخواته أو قرايبه في السن ده, لجيرانة في الشارع بتاعه... الخ.
عن طريق انه يحمل الفيديوهات المناسبة ليه ويستخدمها زي ما مكتوب في دليل المعلمين 


هل الأكاديمية عندها طلاب أو مكان نقابل فيه الطلاب ؟
الأكاديمية مش ملتحق بيها طلبة لكنها تقدر تدلك على أماكن تتطوع فيها كمعلم , وممكن تتجمع مع أصحابك أو جيرانك اللي ليهم نفس الهدف وتبدأوا نشاط هدفه التعليم. للاستفسار ابعتلنا على: enzel3allem@tahriracademy.org 

 

هل الأكاديمية بتدرب المعلمين ؟ 
الأكاديمية بتساعدك ازاي نستخدم الدليل علشان الدرس يخرج بشكل تفاعلي و ممتع وبتديك الخطوط العامة لده لكن مش تدريب متخصص  

 

هو في مقابلة شخصية أو اجتماع مبدئي بعد ما مليت الاستمارة ؟

الاستمارة معمولة بشكل أساسي علشان نقدر نتواصل معاك بخصوص كل المستجدات والمسابقات واللقاءات اللي بتكون معمولة خصيصاً لمعلمي انزل علّم> 
 كل اللي عليك تدخل على الموقع وتقرأ
الدليل وتختار الدرس وتبدأ ولو احتجت أي شكل من أشكال المساعدة تواصل معانا على "مجتمع انزل علّم" 

أو استنى أقرب لقاء تعريفي هنعمله وقابلنا هناك.