محتاجين حد..

محتاجينك تعمل إيه؟

الشغل اللي محتاجينك تعمله فيه خيارين .. إما انك تكون شغال علي مشروع انزل علّم أو تكون شغال علي حملة أكاديمية التحرير.. إنت اللي بتختار عايز تبقي معانا في إيه:- 

هتعمل إيه في مشروع إنزل علم

  • نشر فكرة مشروع"انزل علّم"  

  • توظيف مُعلّمين متطوعين

  • توصيل فكرة "انزل علّم" للمدارس

  • عمل شراكات مع جامعات وجمعيات أهلية

  • تصميم وتنفيذ مشاريع لنشر فكرة "انزل علّم"

تفاصيل المشروع

المشروع هدفه نشر ثقافة التعليم المدمج بين المعلمين وأولياء الأمور ومعلمي المستقبل من طلاب كليات التربية والعلوم

هيبدأ المشروع بمعسكر تدريبي وتعارفي لمدة يوم

وهيستمر بعد كدة لمدة ست شهور ..
خلال الست شهور هنتقابل مرة على الأقل كل شهر علشان ناخد مجموعة من التدريبات والاستشارات اللي هتساعدنا في رحلتنا مع أكاديمية التحرير
وفي نهاية الفترة دي هيكون فيه مفاجأة للمشتركين معانا هنعلن عنها في وقتها

هتعمل إيه في حملة أكاديمية التحرير

  • تكون سفير أكاديمية التحرير في مكانك (الكُلية، الجامعة، المحافظة….الخ)، وتعرّف الناس على أكاديمية التحرير وأهدافها.

  • عمل شراكات مع جامعات، أو أي مبادرة لها علاقة بالتعليم.

  • عندك استعداد تحضر إيفينتات للتعريف بأكاديمية التحرير.

تفاصيل المشروع

المشروع هدفه إن يكون عندنا سفراء في كل مكان، سفراء يكونوا مؤمنين بأهداف أكاديمية التحرير عشان نوصل لأكبر عدد من طلاب إعدادي وثانوي.

هيكون فيه اجتماع شهري لحد آخر السنة في مكتب أكاديمية عشان نشوف وصلنا لفين وإيه هي الخطوات اللي جاية.

هتستفيد إيه لما تكون سفير أكاديمية التحرير؟

  • هتكبر شبكة علاقاتك عن طريق ترشيحك لحضور مؤتمرات وتدريبات وفعاليات تدريب خاصة بأكاديمية التحرير.

  • هتقدر تستخدم مكتبة أكاديمية التحرير اللي بتشمل دروس في مختلف المجالات اشتريناها من مواقع التعليم الذاتي زي Udemy و Coursera.

  • هتاخد تدريب لمدة أسبوعين على:-

    • بعض مبادئ التسويق Marketing

    • تكوين العلاقات (التشبيك)  Networking

    • التسويق علي مواقع التواصل الاجتماعي Social Media Marketing  

    • إنجاز المهام Getting things done

  • هتاخد تدريب عملي على القيام بالمهام أثناء العمل (On Job Training).

  • هيبقى عندك موجّه Mentor تقدر تستفيد من خبرته في الشغل.

  • أكاديمية التحرير هتقدملك المرجعية Recommendation في حالة إحتياجك لمرجع أو خطاب ترشيح لأي فرصة تدريب أو منحة أو سفر.

  • في نهاية مدة التطوع أكاديمية التحرير هتديك شهادة بالفترة اللي قضيتها في الشغل والإنجازات اللي حققتها في الفترة دي.

الخطوات اللي هتمر بيها عشان تفوز بلقب السفير..

  • دوس علي اللينك عشان تملى  إستمارة سفير أكاديمية التحرير

  • تعدي أول مقابلة مع الـ HR و Marketing specialist.

  • تعدي تاني مقابلة مع الـ CEO .

  • تحضر تدريب السفراء لمدة اسبوع.

  • تقدم مشروع التخرج المطلوب منك خلال إسبوع.


أخر موعد للتقديم 23 يونيه 2015